Наш Храм

Акафист
Преподобному Моисею Мурину, пустыннику Египетскому

Кондак 1, гл. 4.

Предивный пустынниче Египетския Вифаиды, / нам грешным, верный образе вечного с Богом примирения, / древо плодов покаяния исполненное, / похвальное пение приносим ти, отче преподобне, / ты же, яко имея дерзновение к щедрому Богу, / молитвами твоими настави нас на стезю спасительного смирения с любовию зовущих ти: //Радуйся, преподобне Моисее, наставниче мудре и страстей победителю!

Икос 1

Ангелов и Вселенныя Творец, избра тебя досточудне Моисее, дабы показати силу и промысел Божий, яко все возможет Господь: разбойника претворити в смиренного, и блудного на путь истинный возставити. Тебе, по зову Божию, к Свету повернувшемуся вопием:

Радуйся, яко благоразумный разбойник, Христа единого Спасителя узревый; радуйся свое ремесло злобное скоро презревый.

Радуйся, добрый образе чадом заблуждшим; радуйся, дабы воскреснути в Дусе, страстей плотских отрешивыйся.

Радуйся, сквозе многия скорби в терпении проходивый; радуйся, саде Веры в пустыне неверия насадивый.

Радуйся, древняя карта сокровищ для драгоценных каменьев Веры искателей; радуйся, како Царствие Божие внутрь сердца своего обрести указателю.

Радуйся, преподобне Моисее, // наставниче мудре и страстей победителю!

Кондак 2

От младости твоея был еси, Моисее Мурине, главою шайки разбойничьей, блудником и беспутным пьяницей. Но коснуся твоего сердца незримо, Господь, и преобрази тя. Познал ты внезапу, что всесилен Христос, яко Он лишь есть Истина, Путь и Живот. Мы же восхваляем премудрого всех Учителя: Аллилуиа.

Икос 2

Ревностью о новом пути побуждаемый, пришел если во обитель пустыни Египетской, прося отцев преподобных принять тебя в число монашеской братии. Любые труды и страдания готовый прияти в терпении, и милость их к своим скорбям склонивый, помози и ны уразумети и исполнити волю Божию в жизни нашея, да сердечно зовем ти:

Радуйся, каждым вздохом о помиловании Божием умоляяй; радуйся, никогда же пустого слова испущаяй.

Радуйся, сердечною молитвою Божие улучил еси прощение; радуйся, спасительный остров утопающих в море суетных искушений.

Радуйся, глаголов Жизни Вечныя источниче; радуйся, ищущим стези Господни помощниче.

Радуйся, яко не созда храмину души на песце мирских мудрований; радуйся, основавый ю на камени заповедей Христовых.

Радуйся, преподобне Моисее, // наставниче мудре и страстей победителю!

Кондак 3

Устремившись к стяжанию благодати, богомудрых наставников монашеского делания снискал еси, усердный Моисее. Поучения же сих добрых отцев благочестия во глубине сердца своего слагая, в трудах иноческих твердо укрепился еси. Дивляхуся глубине разума твоего, выну поем Богу: Аллилуиа.

Икос 3

Последовал еси, отче Моисее, сквозе огнь и воду, дабы победить телесные похоти. Днем молитвы сотворяя, а нощью водоносы для братии из кладезя почерпая, плоть свою пищи и сна лишая, уготовлял еси душу к приятию Духа Святаго. Мы же труды и мольбы твоя почитая, славим тя тако:

Радуйся, мужественный воитель в брани страстной победивый; радуйся, бесов и нападки их бесчестные посрамивый.

Радуйся, добрый вождь воинства Христова; радуйся, неленостный труженик братолюбия простого.

Радуйся, доблесть в битве духовной являяй; радуйся, светильниче светлый мглу темных силы разгоняяй.

Радуйся, коему слабость Бог на крепость изменивый; радуйся, яко от стрел вражиих остался невредимый.

Радуйся, преподобне Моисее, // наставниче мудре и страстей победителю!

Кондак 4

Бесовскими нападениями терзаем, взывал еси к Богу от сих тя избавити. И узрев твою веру упорную и жажду духовную, Господь милосердный привел тя к благодати Источнику. Тем же, преподобне Моисее, учиши ны уповати на Бога, не на князи, не на сыны человеческие, вопия: Аллилуиа!

Икос 4

Слыша ближние и дальние о дарах Божиих на тебя обильно излиянные, желали лицезрети тебя, богоносне Моисее, и советы добротолюбия стяжати. Ты же безвестности от суетного мира иский, славу нивочто вменяя, поношение на самого себя воздвизал еси, уловляя во мрежу гордыню и тщеславие. Ныне мы, восхваляя смирение твое вопием:

Радуйся, плоть свою Духу псалмопением и пощением подчинивый; радуйся, нищету духовную познавый.

Радуйся, радость в скорбях Христа ради нашедый; радуйся, Бога в чистоте сердца своего узревый.

Радуйся, во смирении Духа мирного стяжавый; радуйся, плоды праведности снискавый.

Радуйся, в молчании поношения сносивый; радуйся, великую награду на Небеси за то получивый.

Радуйся, преподобне Моисее, // наставниче мудре и страстей победителю!

Кондак 5

Уподобился еси пророку Моисею, преподобне старче Моисее, шествуя от царства греха лукавого в Землю обетованную Божию, фараона мысленного в море слез твоих потопляя, и от рабства ему свобождаяся, и обретый град обительный, радостно возопил еси Богу: Аллилуиа!

Икос 5

Взыскующим Бога и Царства Его, дадеся нам новый Моисей от Египта, наставниче духовный к стезям Истинного Спаса от рабства страстей. Верою, надеждою и любовью водимый явился еси, и ныне пути ко вратам Града Небесного верным чадам указуя, мы восхваляем тя славне:

Радуйся, узы рабства греху раздравый; радуйся, бисеры Веры от Бога посланные купно собравый.

Радуйся, надеждою на милость Божию укрепленный; радуйся, любовью к Богу и людям окрыленный.

Радуйся, сердце свое горѐ поднявый; радуйся, светом Христовым нетварным просиявый.

Радуйся, наставниче чад Божиих, Богом указанный; радуйся, мутный поток соблазна прошед стопами невлажными.

Радуйся, преподобне Моисее, // наставниче мудре и страстей победителю!

Кондак 6

Возсия разумение твое в соборе монашеском, егда отказался судити единого от братий твоих, множество многое грехов и немощей своих поминая, и заповедь Божию: не судящий, Господнему суду неподсуден. Мы же видя прозорливость, данную ти от Господа, паки и паки поем: Аллилуиа!

Икос 6

Глаголы и научения твоя, святый праведниче, до сего дне свидетельство есть мудрости древних Христа ради пустынножителей. Сими плодами трудов, поста и молитвы ты нас сирых питаеши. Дары сии приимающе, купно с сонмом преподобным и богоносным возглашаем ти:

Радуйся, к разумению Божественного Промысла советниче; радуйся, и Ангелов собеседниче.

Радуйся, древних Таин Божиих хранителю; радуйся, добрый монахов учителю.

Радуйся, мудрости Добротолюбия праотче; радуйся, духовных смыслов провидче.

Радуйся, благодати Божией зрителю; радуйся, душ отягченных грехми свободителю.

Радуйся, преподобне Моисее, // наставниче мудре и страстей победителю!

Кондак 7

Силою Духа Святаго, на тебе почивающего, отче Моисее, подвигнул еси сотоварищей твоих по разбойному промыслу, о жизни, смерти и пути спасения разумевати. Те же, совестию разбуженной обличаемые и чистотой новыя светлой ипостаси привлекаемые, отвратилися от стезь порочных, сподобившись покаяния искреннего, и пошли вослед тебе, научаясь взывати Богу песнь: Аллилуйя!

Икос 7

Прежде воровским и пьянским душевным недугом изнуряем, ныне яко добрый пастырь всей вселенной просияваешь, потерянных овец на прямой путь, ведущий к вечной жизни искусно направляя, да и мы возрадуемся о тебе, Господем преображенному:
Радуйся, отречения от соблазнов мира совершенство; радуйся, хотящих шествовать узким путем спасения руководителю.

Радуйся, оставляющих ветхого человека бодрый побудителю, радуйся облекающихся во Христа крепкий защитителю.

Радуйся, доброе семя, принесшее плод стократно; радуйся, памятью смертной ведомый по сей временной жизни.

Радуйся, прошедый сквозе тесные врата; радуйся, устремивыйся к источнику Жизни Вечныя.

Радуйся, преподобне Моисее, // наставниче мудре и страстей победителю!

Кондак 8

Истинный борителю против духа мира сего прелестного явился еси, стяжание утех временных, в уметы никчемные отметая. Оставил похотливые нравы жизни прошлыя, пустым сонным видениям те уподобляя. Текл еси скоро, в пустыню безлюдную, дабы Бога единого быть созерцателем и служителем. Мужеству твоему желая подобитися, мы восклицаем Богу: Аллилуиа!

Икос 8

Яко многоценное миро в мир людской ради цельбы наших ран изливаеши, и Царский прямый путь ко Спасителю правиши. Помолися о нас, пустынниче Египетский Моисее, дабы и наши сердца жестокие, и умы помраченные вняли зову Божию ко исправлению:

Радуйся, любови братской прочная основа; радуйся, злобных нападок бесовских крепкие оковы.

Радуйся, попечения о пище и одежде не имевый; радуйся, главное на потребу обретый.

Радуйся, шел еси путем крестным ежеденно; радуйся, возрастал еси от силы в силу непременно.

Радуйся, муж духом совершенства достигнувый; радуйся, с Богом в Царстве Его пребываяй.

Радуйся, преподобне Моисее, // наставниче мудре и страстей победителю!

Кондак 9

Соратником и сотаинником был еси, богоизбранне Моисее, учителю монашеского делания великому преподобному отцу Арсению. И како Арсений был преискусен в благом безмолвии, тако ты был искушен в делах милосердия, принимая с радостью всякого странника безмездно: окормляя от глада, укрывая от хлада, и духовно ободряя множество душ в путях земных сквозе пустынное место шествующих, привлекал еси их Богу взывати: Аллилуя!

Икос 9

Истинно еси старца святаго видение: како плавают широкою водою два кораблеца: един с великим Арсением, правимый во спасительное пристанище Духом Святым, другий - с Моисеем Мурином, управляемый споро Ангелами Божиими, кои питают тя, добре отче, сладким медом из сот. За милости, явленные ближним твоим, благодарим Тя, отче:

Радуйся, доброе сердце благоутробного милосердия; радуйся, река, впадающая в море сострадания.

Радуйся, распенший плоть свою ради братолюбия вольно; радуйся, снисхождение к слабости братий имевый.

Радуйся, ангельскому усердию подражаяй; радуйся, приявший незнакомцев как посланников Божиих.

Радуйся, утвердивый Христа в сердце; радуйся, свершивый Христовы дела яве.

Радуйся, преподобне Моисее, // наставниче мудре и страстей победителю!

Кондак 10

Образы покаяния и спасения нам предлагая, явил нам Спаситель звезду светлую и путеводную во тьме греха светящую, дабы погибающих к стезям Правды направити. Се память и поучения твоя, преподобне Моисее, яко длань родительская для малых чад, назидает и помогает ны. Немолчными устами Господу Богу, со дерзновением сердечным возвещаем: Аллилуиа!

Икос 10

Подая руку спасительную, всем в бездне греховной валяющимся и ненавистью, яко червем снедаемым, ты праведник милостивый, научи нас от гордыни бесовской и страстей похотливых исцелитися. Паки мы с умилением сердечным глаголем:

Радуйся, заступление злом угнетенных; радуйся, разрушение темниц греху порабощенных.

Радуйся, укрепление отчаянных; радуйся, податель радостей нечаянных.

Радуйся, утешение о себе плачущих; радуйся, тихое пристанище в море волн житейских.

Радуйся, мученичество во искупление приемый; радуйся, толкователю смыслов Божиих нам недоведомых.

Радуйся, преподобне Моисее, // наставниче мудре и страстей победителю!

Кондак 11

Ангельский собор удивися, преподобный пустынниче, твоея мужеству и твердости, како прорекл еси учеником своим: «Взявый нож, ножем погибнет». Се глаголал, назнаменуя, коею смертью сподоби призвати тя Господь. Сам от руки разбойной пострадавый, возносяся с братией в Вечные Чертоги, взывал еси к Богу: Аллилуиа!

Икос 11

Чудотворец и провидец был еси, учителю Божией премудрости Моисее. От дольнего в горняя достигл еси, постом, трудами и плачем о гресех своих, отверзши двери души своей для входа Всевышнего. Мы же радуяся таковому твоему духовному преображению, просим молитв о нас на земли оставшихся, и величаем тя, святче:

Радуйся, Всевышним пророческим даром одаренный; радуйся, Его волю до конца исполнивый.

Радуйся, по праву учеником Христовым почитаемый; радуйся, заветы Божия в сердце соблюдый.

Радуйся, Благой Вести усердный проповедниче; радуйся, преданных учеников терпеливый наставниче.

Радуйся, княже верный Царя царствующих; радуйся, пред престолом Божиим о нас молитвенниче.

Радуйся, преподобне Моисее, // наставниче мудре и страстей победителю!

Кондак 12

Проповедником покаяния явился еси всем, любви Божией знающим и не знающим. Ты открыл еси надежду безнадежным, житием своим, дивный Моисее, памятование нам являя, яко несть греха, превышающего милость Божию. В покаянии сердечном, сокрушенно из глубины душ наших плачем со слезами: Аллилуиа!

Икос 12

Ныне чудно вселивыйся в Небесном Сионе, с сонмом святых славиши Творца Вседержителя. Прошения подати дар к нему имея, умоли твоими молитвами, щедрого Господа, низпослати нам силы и помощи, одолеть бесов злобы и похоти, претерпеть искушения, и стяжать Духа Божия, мы же хвалим, твое преподобие:

Радуйся, победивший мир с Господом; радуйся, пламенное сердце имеяй.

Радуйся, путеводная звезда богохвальных мудрецов; радуйся, помрачителю злобных духов.

Радуйся, вознесшийся на крыльях Духа Святаго; радуйся, не оставляющий взывающих от земли тебе ныне.

Радуйся, воспарил еси к Небесной Родине; радуйся, поселивыйся на лоне Авраамовом.

Радуйся, преподобне Моисее, // наставниче мудре и страстей победителю!

Кондак 13

О преподобне и предивне отче Моисее, солнце лучами надежды мрак страстный сердец наших разгоняющее, услыши наши молитвы, помози, твердо ступати по путям Божим, приклони Его человеколюбие нам, и сподоби бысть твердыми в исполнении Христовых заповедей, и спастись от геенны огненной, всем взывающим к Богу: Аллилуиа!

(Кондак 13 повторить 3 раза)

Икос 1

Ангелов и Вселенныя Творец, избра тебя досточудне Моисее, дабы показати силу и промысел Божий, яко все возможет Господь: разбойника претворити в смиренного, и блудного на путь истинный возставити. Тебе, по зову Божию, к Свету обратившемуся вопием:

Радуйся, яко благоразумный разбойник, Христа единого Спасителя узревый; радуйся свое ремесло злобное скоро презревый.

Радуйся, добрый образе чадом заблуждшим; радуйся, дабы воскреснути в Дусе, страстей плотских отрешивыйся.

Радуйся, сквозе многия скорби в терпении проходивый; радуйся, саде Веры в пустыне неверия насадивый.

Радуйся, древняя карта сокровищ для драгоценных каменьев Веры искателей; радуйся, како Царствие Божие внутрь сердца своего обрести указателю.

Радуйся, преподобне Моисее, // наставниче мудре и страстей победителю!

Кондак 1, гл. 4.

Предивный пустынниче Египетския Вифаиды, / нам грешным, верный образе вечного с Богом примирения, / древо плодов покаяния исполненное, / похвальное пение приносим ти, отче преподобный, / ты же, яко имея дерзновение ко щедрому Богу, / молитвами твоими настави нас на стезю спасительного смирения / с любовию зовущих ти: / Радуйся, преподобне Моисее, // наставниче мудре и страстей победителю!

Молитва к прп. Моисею Мурину

Преподобне, досточудне и преблаженне отче наш Моисее, всякое злодеяние некогда в помрачнении ума сотворяя, явися истовый мурин душею своею, разбойником бывая, благодатию же просвещаемь, достойно принесе покаяние велие и плодоносное, убелися желанием спасения и Богу угождения и во обитель вселися плакатися о гресех своих. Искушения всяческие претерпев, явися, отче Боговидне, истинный ратоборец страстем и бесом и, яко вторый разбойник благоразумный, сораспяся Христу Богу волею и мыслею своею, страсти плотския умертвивше, духом и умом горе́ вперися.

Ныне пребываеши, отче Моисее, в пресветлых чертозех Господа и Спасителя нашего Иисуса Христа. Молим убо тя, Преподобне, поминай нас в молитвах твоих святых; бдением и пощением уцеломудренный, научи и нас чистоты душевныя и телесныя ради подвизатися; образ покаяния показуя, направи нас многогрешных на путь спасения, им же исцелеем; по произволению вольному дабы суды Божии о себе исполнити и грехи искупити смерть претерпевый, помоги и нам Правду Божию житием, словом и мыслею в мире сем утверждати; гнев и злобу служением братии в любы претворивый, настави нас к истинному братолюбию; из злосмрадного греха в жизнь вечную со Христом воскресший, умоли Всемилостивого Бога да сподобимся братией Христу наречену быти, Царствия Божия достигнути и с радостию воспети всесвятое Имя Отца и Сына и Святаго Духа во веки веков, аминь.